Իսպանիայի կառավարությունը ներկայումս խոչընդոտում է ՆԱՏՕ-ում ռազմական ծախսերի տոկոսային աճի հաստատման վերաբերյալ կոնսենսուսի հասնելու հնարավորությունը, հաղորդում է ABC թերթը։
Դրա տեղեկություններով՝ Մադրիդը նույնիսկ համաձայն չէ ՀՆԱ-ի նկատմամբ պաշտպանական ներդրումների որոշակի տոկոս սահմանելու սկզբունքի հետ։ Ինչպես գրում է հրատարակությունը, ՆԱՏՕ-ի պաշտպանության նախարարների հունիսի 5-ին Բրյուսելում կայանալիք հանդիպումը վերջինը կլինի Հաագայում կայանալիք դաշինքի գագաթնաժողովից առաջ։
ՀՆԱ-ի 5% նպատակին հավանություն տալու պարտավորությունը պետք է արդեն իսկ վերջնականապես կայացված լիներ։ Ինչպես նշում է թերթը, չնայած որոշ երկրներ բացահայտ խոսում են այս ցուցանիշին հասնելու դժվարությունների մասին, Իսպանիան միակ պետությունն է, որը ներկայումս դեմ է դրան։
Եթե Թագավորության վարչապետ Պեդրո Սանչեսը չփոխի իր դիրքորոշումը, ապա նա, հավանաբար, ստիպված կլինի բախվել ԱՄՆ նախագահ Դոնալդ Թրամփի հետ Հաագայի գագաթնաժողովում, կարծում է հրատարակությունը։ Ըստ դրա՝ ՆԱՏՕ-ի գլխավոր քարտուղար Մարկ Ռյուտեի գլխավոր առաքելությունն այժմ Միացյալ Նահանգների և եվրոպացի դաշնակիցների միջև կապերի պահպանումն է։
