Ռուսաստանի նախագահ Վլադիմիր Պուտինը պատրաստ է անհրաժեշտության դեպքում միանալ Իրանի միջուկային ծրագրի շուրջ բանակցություններին, լրագրողներին հայտարարել է պետության ղեկավարի մամուլի քարտուղար Դմիտրի Պեսկովը։
«Ըստ անհրաժեշտության։ Սա այն գործընթացն է, որը տեղի է ունենում այս օրերին։ Մեր երկխոսությունը Թեհրանի և Վաշինգտոնի հետ շարունակվում է տարբեր խողովակներով։
Հետևաբար, անհրաժեշտության դեպքում նախագահը և ռուսական կողմը կկարողանան միանալ», - պատասխանել է Կրեմլի ներկայացուցիչը այն հարցին, թե երբ կարող է Պուտինը միանալ բանակցային գործընթացին։
