Ուկրաինա-ամերիկյան հիմնադրամի առաջին նիստը՝ ընդերքի մասին համաձայնագրի շրջանակներում, նախատեսված է հուլիսին, հայտարարել է Ուկրաինայի էկոնոմիկայի նախարար Յուլիա Սվիրիդենկոն ԱՄՆ ֆինանսների նախարար Սքոթ Բեսենտի հետ հանդիպումից հետո։«Մենք պլանավորում ենք այս ամռանը՝ հուլիսի վերջին, անցկացնել հիմնադրամի կառավարման խորհրդի առաջին նիստը:
Սա կարևոր պահ կլինի աշխատանքի գործառնական մասի մեկնարկի համար՝ կոմիտեների, ընթացակարգերի, նախագծերի ընտրության սկզբունքների հաստատում», -ասել է Սվիրիդենկոն Facebook սոցիալական ցանցում արված գրառման մեջ:
Նախարարը հավելել է, որ Բեսենտի հետ հանդիպման ժամանակ ինքը առաջարկել է ընդլայնել ստեղծվող հիմնադրամի ներդրումային մանդատը, այդ թվում՝ աջակցելու Ուկրաինայի պաշտպանական արդյունաբերությանը և ընդլայնելու ռազմական ռիսկերի ապահովագրությունը։Սվիրիդենկոյի խոսքով՝ ամերիկյան կողմը դրական է արձագանքել նախաձեռնությանը։
