Հասկանալի է, թե այժմյան բոյկոտն ու ապաշնորհ իշխանության վախերը որտեղից են ծնունդ առնում․ հայտարարություն

01.06 13:42 | Կատեգորիա Քաղաքական

Ռուսաստանի և Նոր Նախիջևանի հայոց թեմի հոգևորական դասը հանդես է եկել հայտարարությամբ․

«Իրենց քրիստոնյա հորջորջող, բայց պարբերաբար անպարկեշտ պահվածք դրսևորող ՀՀ վարչապետը տիկնոջ հետ միասին հերթական անգամ ցնցեց համայն հայությանը՝ վարկաբեկելով Եկեղեցին ու հայհոյելով հոգևոր առաջնորդությանը։ Երբ հոգեկան անհավասարակշիռ այս զույգը Եկեղեցին զավթելու մոլուցք է դրսևորում, հետո այն համեմատում չուլանի հետ, մնում ես ապշած, թե այսպես մինչև ուր ենք գահավիժելու, այս մղձավանջը երբ է վերջանալու։ Ակնհայտ է, որ իշխանությունը մարտահրավեր է նետել Եկեղեցուն, քանի որ իրենց ազգադավ ու հայրենակործան պարտությունը քողարկելու, ինչպես նաև ազգը կործանելու հատուկ հրահանգված քարոզչություն անելու խնդիր ունեն։

Մինչ իշխանությունները դավադրաբար հրաժարվում են Արարատից, Արցախից ու մեր նվիրական սրբություններից, հայոց հայրապետը Շվեյցարիայում Եկեղեցիների Համաշախարհային Խորհրդի հարթակից, որն ունի 300 եկեղեցի և 600 միլիոն հետևորդ, բարձրաձայնում և դատապարտում է սանձազերծված պատերազմի հետևանքով Արցախի հայաթափումը, Բաքվում պահվող ռազմագերիների նկատմամբ շինծու դատավարությունն ու միջազգային նորմերի աղաղակող խախտումները։ Ավելին, տարիներ առաջ Ամենայն Հայոց Կաթողիկոսը Թուրքիայում հրապարակավ խոսում է հայոց ցեղասպանության մասին, ինչից այսօր հեշտորեն հրաժարվում են օրվա ղեկավարները։ Հասկանալի է, թե այժմյան բոկոտն ու ապաշնորհ իշխանության վախերը որտեղից են ծնունդ առնում ու ինչ նպատակ են հետապնդում հայոց Եկեղեցու և հոգևոր իշխանության դեմ հանիրավի քարկոծումով։ Նրանք փափագում են խլել մեր հոգևոր ինքնությունը, հայրենիքն ու սրբությունները, որը դարեր ի վեր երազել են իրականացնել մեր թշնամիները։ Այլապես ինչո՞ւ պիտի երկրի արտաքին սպառնալիքը թողած, օրհասական այս պահին, Եկեղեցու դեմ ներքին խժդժություններ բորբոքեին, սրբապիղծ մտքերով հանրությանը մոլորեցնեին։

Խառնակ այս օրերին համահունչ է Գարեգին Բ Ամենայն Հայոց Կաթողիկոսի խոսքը, որը պիտի յուրաքանչյուրի ականջին հասնի որպես ահազանգ, քանզի Միածնաէջ աստվածահիմն Սբ․ Էջմիածնի առաքելությունն արժեզրկելու որևէ քայլ նշանակում է փորձել տկարացնել մեր ազգին, խարխլել հիմներն անկախ ու ինքնիշխան կյանքի, որի ջատագովն ու պաշտպանն է Սբ․ Էջմիածինը։

Այսօր մենք կանգնած ենք կործանարար ճանապարհի եզրագծին ու մեր սրբազան պարտքն է ապավինել մեր հավատքի հաղթական ուժին՝ հաղթահարելու ճգնաժամը որպես մեկ միասնական ազգ, համախմբված՝ ընդդեմ այս ազգակործան չարիքի: Քաղաքական ուժերը ժամանակավոր են, իսկ Եկեղեցին՝ մեր կենսունակության աղբյուրն ու ինքնության ոգին՝ հարատև»։

Ամենաշատ կարդացվածներ

Հրդեհները տարբեր մարզերում աննախադեպ են, ոչ կապակցված, սա մտորումների պատճառ է. Ադամյան

26.11 17:04 | Կատեգորիա Հասարակություն

Ինչ է քննարկվել Մայր Աթոռում եպիսկոպոսաց ժողովին. Եկեղեցու վերնախավի դիրքորոշումը կոշտ է եղել

26.11 15:28 | Կատեգորիա Մամուլ

Բջջայինին կարգավորումներ են ուղարկել և բանկային քարտից գողացել 5 մլն դրամ․ Քրեական նորություններ

26.11 11:56 | Կատեգորիա Հասարակություն

Մակրոնը հանդես է եկել Ռուսաստանի մասին հայտարարությամբ․ Զելենսկու համար իրավիճակը չափազանց

26.11 17:21 | Կատեգորիա Համաշխարհային

Մարդկանց անտարբերությունը եւ լռությունը ծնում է քաղբանտարկյալներ. Արմեն Աշոտյան

26.11 13:46 | Կատեգորիա Քաղաքական

Ամեն ինչ լսողության մասին` աուդիոլոգ Գայանե Սարգսյան

26.11 20:00 | Կատեգորիա Հասարակություն

Կրակոցներ, կտրող-ծակող առարկայով հարվածներ կրծքավանդակին․ երակներն է կտրել, մեքենա է այրվել

26.11 15:51 | Կատեգորիա Հասարակություն

Զուտ քաղաքական դրդապատճառներով Դավիթ Համբարձումյանը այսօր կալանքի տակ է․ փաստաբան

26.11 16:10 | Կատեգորիա Քաղաքական

Ինչպես են Բաքվի դպրոցում ստորացնում հային. աղմկահարույց տեսանյութի հետեւանքը. Նաիրա Զոհրաբյան

26.11 11:30 | Կատեգորիա Քաղաքական

ՈՒՂԻՂ