Իտալացի մասնագետ Մասիմիլիանո Ալեգրին նշանակվել է «Միլանի» գլխավոր մարզիչ։ Այս մասին հայտնում է լրագրող Ֆաբրիցիո Ռոմանոն X սոցիալական ցանցում (նախկինում՝ Twitter):
Ըստ աղբյուրի՝ բոլոր անհրաժեշտ փաստաթղթերն արդեն ստորագրված են։ Ավելի վաղ ԶԼՄ-ները հայտնում էին, որ «Միլանը» Ալեգրիին երկու տարվա պայմանագիր է առաջարկել։ Նրա աշխատավարձը կարող է կազմել 5 միլիոն եվրո մեկ մրցաշրջանի համար, ինչպես նաև կտրամադրվի բոնուսային վճարումներ:
Ալեգրին 2010-ից 2014 թվականներին աշխատել է «ռոսոներիների» գլխավոր մարզիչի պաշտոնում: Նրա գլխավորությամբ «Միլանը» 2010/2011 մրցաշրջանում դարձել է Իտալիայի չեմպիոն, ինչպես նաև նվաճել է Իտալիայի Սուպերգավաթը: 57-ամյա մասնագետի վերջին աշխատավայրը եղել է «Յուվենտուսը» (2021-2024 թթ.)։
