Թուրքիայի արտաքին գործերի նախարար Հաքան Ֆիդանը հայտարարել է, որ մայիսի 26-ին ՌԴ նախագահ Վլադիմիր Պուտինի հետ հանդիպմանը քննարկել է Թուրքիայի առաջնորդ Ռեջեփ Թայիփ Էրդողանին հուզող մի շարք հարցեր՝ ուկրաինական հակամարտության համատեքստում և հակամարտության հաջող ավարտի կարևորությունը։ Այս մասին նա ասել է Մոսկվայում՝ իր ռուս գործընկեր Սերգեյ Լավրովի հետ մամուլի ասուլիսում։
«Պարոն Պուտինի հետ երեկվա մեր հանդիպմանը մենք բարձրացրել ենք կարևոր հարցեր, որոնք զգայուն են մեր նախագահի համար, հատկապես կարևոր է, որ Ռուսաստանի և Ուկրաինայի միջև ընթացող բանակցություններն արդյունք տան։
Մենք քննարկել ենք Ստամբուլում տեղի ունեցած բանակցությունները։ Մենք ռուսական կողմին փոխանցել ենք մեր խնդրանքը՝ Թուրքիայում հետագա հանդիպումներ անցկացնելու Ռուսաստանի եւ Ուկրաինայի միջեւ», - ասել է Ֆիդանը։
Նա հավելել է, որ Ռուսաստանի ղեկավարության հետ շփումների ընթացքում «նրանք հասկացրել են, որ Անկարան պատրաստ է ցանկացած ներդրում ունենալ այս ուղղությամբ»։
