«Այլընտրանք Գերմանիայի համար» (AfD) կուսակցության համանախագահ Ալիս Վայդելը քննադատել է մի շարք եվրոպական երկրների որոշումը՝ չեղարկել Կիևին ռուսական տարածքին հարվածելու համար զենքի մատակարարման սահմանափակումները։
«Ուկրաինայի պատերազմում արևմտյան զենքի հեռահարության սահմանափակումների վերացումը վտանգավոր է»,- գրել է նա իր X էջում։ «Պետք է խուսափել այն ամենից, ինչը հանգեցնում է էսկալացիայի: Կանցլեր Ֆրիդրիխ Մերցը չի կարող Գերմանիան դարձնել հակամարտության կողմ»,- ընդգծել է Վայդելը։
Մայիսի 26-ին Մերցը հայտարարեց, որ իր երկիրը վերացնում է Ռուսաստանի Դաշնության տարածքում գերմանական զենքի հեռահարության բոլոր սահմանափակումները։ Քաղաքական գործչի խոսքով՝ նման որոշում են կայացրել Մեծ Բրիտանիան և Ֆրանսիան։
ՌԴ նախագահի մամուլի քարտուղար Դմիտրի Պեսկովը հայտարարել է, որ այս որոշումը պոտենցիալ վտանգավոր է և հակասում է կարգավորման փորձերին։
