Մեծ Բրիտանիայի արտաքին գործերի նախարար Դեյվիդ Լամմին հոկտեմբերի 18-19-ը պաշտոնական այցով կժամանի Չինաստան։ Այս մասին ճեպազրույցում հայտարարել է Չինաստանի արտգործնախարարության խոսնակ Մաո Նինգը:
«ՉԺՀ ԱԳ նախարար Վան Յիի հրավերով հոկտեմբերի 18-19-ը պաշտոնական այցով կմեկնի Չինաստան»,- ասել է նա։
Մաո Նինգը նաև նշել է, որ «Չինաստանի և Մեծ Բրիտանիայի միջև հարաբերությունների երկարաժամկետ և կայուն զարգացումը համապատասխանում է երկու կողմերի և միջազգային հանրության ընդհանուր շահերին, ինչպես նաև հեշտացնում է արձագանքը գլոբալ մարտահրավերներին, նպաստում է խաղաղությանը և գլոբալ զարգացմանը»:
Նա հայտնել է ՉԺՀ-ի պատրաստակամությունը՝ «համագործակցել Մեծ Բրիտանիայի հետ՝ գործընկերության կարգավիճակը պահպանելու, փոխշահավետության և երկկողմ հարաբերությունների կայունության և երկարաժամկետ զարգացման համար»:
