Եգիպտոսի իշխանությունները օգնել են Արաբական Հանրապետության 71 քաղաքացիների Լիբիայից վերադառնալ հայրենիք՝ Տրիպոլիում լարվածության պատճառով։ Եգիպտոսի արտաքին գործերի նախարարությունը այս մասին հայտնել է Facebook-ում:
Կահիրեն ուրբաթ օրը EgyptAir-ի ինքնաթիռ է ուղարկել Լիբիա։
«Հայրենիք վերադառնալու ցանկություն հայտնած և նախկինում իրենց տվյալները Տրիպոլիում Եգիպտոսի դեսպանատանը և ԱԳՆ-ում ստեղծված օպերատիվ կենտրոնում գրանցած 71 Եգիպտոսի քաղաքացիներ հայրենադարձվել են»,-ասվում է տեքստում։
Լիբիայի արևմուտքում իրավիճակը սրվեց մայիսի 12-ի երեկոյան, երբ Տրիպոլիի հարավում բախումներ սկսվեցին Մահմուդ Համզայի 444-րդ մարտական բրիգադի և անվտանգության ու կայունության պահպանման ապարատի ուժերի միջև։ Էսկալացիայի պատճառը շտաբի պետ Աբդելղանի ալ-Քիքլիի մահն էր։
