Ղազախստանը գնահատում է ցանկացած բանակցություն, որը կարող է օգնել Ուկրաինայում խաղաղության հասնելուն։ Այս մասին լրագրողներին ասել է հանրապետության արտաքին գործերի նախարարի առաջին տեղակալ Աքան Ռախմետուլինը` ի պատասխան ՏԱՍՍ-ի խնդրանքին՝ մեկնաբանել Ռուսաստանի և ԱՄՆ նախագահների շփումները։
«Իրավիճակն այս համատեքստում շատ բարդ է, մենք բարձր ենք գնահատում ցանկացած բանակցություն, ցանկացած ջանքեր, որոնք ուղղված են այս իրավիճակի կարգավորմանը, ուստի հուսանք, որ դիվանագիտական, քաղաքական, խաղաղ լուծում կգտնվի»,- ասել է նա։
Մայիսի 19-ին Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը հեռախոսազրույց են ունեցել, որը տևել է ավելի քան երկու ժամ։ Երկու պետությունների ղեկավարները քննարկել են, առաջին հերթին, Ուկրաինայում հակամարտությունը հաղթահարելու ուղիները։
Մինչ այս Պուտինն ու Թրամփը հեռախոսազրույց են ունեցել մարտի 18-ին, երբ խոսակցությունը նվիրված էր նաև Ուկրաինայի կարգավորմանը։ Մարտի 18-ի բանակցություններից հետո Ղազախստանի նախագահ Կասիմ-Ժոմարտ Տոկաևի մամուլի քարտուղար Ռուսլան Ժելդիբայը հայտնել է, որ Ղազախստանի ղեկավարը ողջունել է այդ բանակցությունների արդյունքները։
