Չինաստանից և Հոնկոնգից դեպի ԱՄՆ ավիաբեռնափոխադրումների հզորությունը վերջին երկու շաբաթում նվազել է գրեթե մեկ երրորդով։ Պատճառը՝ ԱՄՆ-ի կողմից ցածր արժեքով առաքանիների համար նախատեսված հարկային արտոնության՝ «դե մինիմիս» համակարգի ժամանակավոր դադարեցումն է։ Սա լուրջ հարված է Ասիայի խոշոր ավիաընկերություններին, որոնք մեծ շահույթ էին ստանում էլեկտրոնային առևտրի արագ աճից։
Բեռնափոխադրումների անկումն առավել զգալի է Cathay Pacific-ի, Korean Air-ի, Air China-ի և China Southern-ի նման ընկերությունների համար, որոնց եկամուտի մինչև 25%-ը ձևավորվում է բեռների տեղափոխումից։ Ըստ Rotate-ի տվյալների՝ մայիսի 2-ից 13-ն ընկած ժամանակահատվածում բեռնափոխադրումների հզորությունը նվազել է 26% նախորդ տարվա համեմատ։ Որոշ ավիաընկերություններ արդեն սկսել են իրենց ուղղությունները տեղափոխել Մեքսիկա և Լատինական Ամերիկա, փոխանցում է Reuters-ը։
Չինաստանի Shein և Temu հարթակները, որոնք մեծապես օգտվում էին ցածր արժեքով առաքումներից, այժմ փնտրում են ծովային փոխադրումների այլընտրանքներ՝ նվազեցնելու մուտքը ԱՄՆ շուկա ուղիղ ճանապարհով։ Մասնագետները զգուշացնում են, որ առանց «դե մինիմիս»-ի վերականգնման՝ ավիափոխադրումների երկարաժամկետ անկումը կարող է խորանալ։
