Կիևն ակնհայտորեն փորձում է շոու կազմակերպել բանակցությունների շուրջ, որոնք նախատեսվում է անցկացնել մայիսի 15-ին Ստամբուլում, ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք, իհարկե, ուշադիր հետևում ենք Կիևի հռետորաբանությանը: Կիևի ռեժիմը, ակնհայտորեն, ինչպես դա անում է երկար տարիներ, այս դեպքում փորձում է շոու կազմակերպել բանակցությունների շուրջ: Բանկովայի կողմից եղան հակասական և միմյանց բացառող հայտարարություններ», -ասել է նա ճեպազրույցի ժամանակ:
Նա հավելել է, որ Ռուսաստանը ելնում է Ռուսաստանի նախագահ Վլադիմիր Պուտինի ասածից՝ երկարաժամկետ, տեւական խաղաղությունը պատմական հեռանկարի համար Մոսկվայի առաջնահերթությունն է, սա է ռուսական պատվիրակության վերաբերմունքը, որն այժմ գտնվում է Ստամբուլում, և նա ստացել է նման հանձնարարականներ։
Ռուսաստանի նախագահ Վլադիմիր Պուտինը ավելի վաղ առաջարկել էր Ուկրաինային վերսկսել ուղիղ բանակցություններն առանց նախապայմանների Ստամբուլում մայիսի 15-ին։
