Ֆրանսիայում Միսաք Մանուշյանի անունով դպրոց է անվանակոչվել

16.10.2024 10:16 | Կատեգորիա Հասարակություն

Ֆրանսիայի Իլ-դը-Ֆրանս ռեգիոնի խորհրդի կողմից միաձայն ընդունված որոշմամբ՝ փարիզամերձ Շատնե-Մալաբրի քաղաքի կենտրոնական ավագ դպրոցն անվանակոչվեց Միսաք և Մելինե Մանուշյանների անվամբ։ Այս մասին հայտնում են Ֆրանսիայում ՀՀ դեսպանությունից։

«Սա Ֆրանսիայում առաջին դպրոցն է, որը կրում է Դիմադրության շարժման հայազգի հերոսի անունը: Անվանակոչման հանդիսավոր արարողությունը մեկնարկեց դպրոցի սաների կողմից Միսաք Մանուշյանի բանաստեղծությունների հուզիչ ընթերցմամբ:

Ողջույնի խոսքերով հանդես եկան դպրոցի տնօրենը, ինչպես նաև պատմության և փիլիսոփայության ուսուցիչները՝ ներկայացնելով նախաձեռնության նպատակները, Ֆրանսիայի նախագահի որոշմամբ ֆրանսիացի մեծագույն գործիչների Պանթեոնում հանգրվանած Մանուշյանի և նրա զինակիցների հերոսական կերպարների հավերժացման անհրաժշտությունն ու կարևորությունը երիտասարդ սերնդի համար:

Դպրոցի բացման հանդիսավոր արարողությանը մասնակցում էին և ելույթներով հանդես եկան նաև Իլ-դե-Ֆրանս ռեգիոնի խորհրդի անդամ և Շատնե-Մալաբրիի քաղաքապետ Կարլ Սեգոն, Օ-դը-Սեն դեպարտամենտի նախագահ Ժորժ Սիֆրեդին, դեպարտամենտի պրեֆեկտ Բենուա Տրեվիզանին, Ֆրանսիայում ՀՀ դեսպան Հասմիկ Տոլմաջյանը, ինչպես նաև Օ-դը-Սենի հանրային կրթության ծառայության ակադեմիական տնօրենը։

Դպրոցի բացման արարողությանը ներկա էին նաև Ֆրանսիայի Սենատի փոխնախագահ Պիեռ Ուզուլիասը, Ազգային ժողովի և Սենատի անդամներ, ռեգիոնալ, դեպարտամենտային և քաղաքային իշխանությունների ներկայացուցիչներ, ինչպես նաև ֆրանսահայ համայնքի ներկայացուցիչներ։ Իր ելույթում դեսպան Հասմիկ Տոլմաջյանը երախտագիտության խոսք ուղղեց քաղաքապետ Կարլ Սեգոյին՝ Մանուշյանի անունով դպրոցն անվանակոչելու նախաձեռնության համար:

Դեսպանն ընդգծեց, որ հանուն Ֆրանսիայի ազատագրության մղած իր բացառիկ պայքարի ու անմոռանալի սխրանքի, ինչպես նաև համամարդկային արժեքներին իր անսահման նվիրվածության շնորհիվ՝ Միսաք Մանուշյանը դարձել է հայ-ֆրանսիական բարեկամության կարևորագույն խորհրդանիշ, ով իր հերոսական և անձուրաց պայքարով շարունակում է ոգեշնչել ֆրանսիացի երիտասարդ սերնդին։ Հանդիսավոր արարողության ավարտին դպրոցի սաները հանդես եկան նաև Շառլ Ազնավուրի երգերի ինքնատիպ կատարումներով։ Միսաք Մանուշյանը 1931-1933 թվականներին ապրել է Շատնե-Մալաբրիում, Ժան Ժորեսի պողոտա, 44 հասցեում»,- ասված է հաղորդագրության մեջ:

Ամենաշատ կարդացվածներ

Պարզվել է Աջափնյակում զինված միջադեպի հետևանքով մահացածի և 7 վիրավորների ինքնությունը

18.02.2026 23:45 | Կատեգորիա Պատահարներ

Ոստիկանները պարզել են Աջափնյակում կրակոցների մասնակիցներին, մահացածը 45 տարեկան էր. ՆԳՆ-ն մանրամասներ է հաղորդում

18.02.2026 20:32 | Կատեգորիա Պատահարներ

Հայտնի է Ձմեռային Օլիմպիական խաղերում Հարություն Հարությունյանի արդյունքը

16.02.2026 23:25 | Կատեգորիա Սպորտ

Բացի թուրքից, բոլորը ձեզ համար թշնամի՞ են․ Արման Աբովյան

17.02.2026 16:52 | Կատեգորիա Քաղաքական

Աշխարհը վճռորոշ շրջադարձում․ պատերազմ, դիվանագիտություն և նոր բևեռներ (տեսանյութ)

17.02.2026 18:58 | Կատեգորիա Հասարակություն

Կրակոցներ՝ մեքենաների բախման պատճառով, մեքենաների հայելիների գողություններ․քրեական նորություններ (տեսանյութ)

17.02.2026 19:53 | Կատեգորիա Պատահարներ

Դաժանություն․ Միքայել Սրբազանը նայում է Յոթ Վերք եկեղեցուն, բայց չի կարող այնտեղ պատարագ մատուցել (տեսանյութ)

17.02.2026 21:17 | Կատեգորիա Քաղաքական

Համաշխարհային անկայունություն, Ուկրաինա ու ուժի խաղեր.Սերժ Սարգսյանի գործով քննիչը՝ դատախազ (տեսանյութ)

17.02.2026 17:36 | Կատեգորիա Հասարակություն

Հայտնաբերվել են տարեցների շարժունակության համար վտանգավոր ապրանքներ

17.02.2026 00:00 | Կատեգորիա Գիտություն և մշակույթ

ՈՒՂԻՂ