Պեկինը հանդես է գալիս ուկրաինական ճգնաժամի խաղաղ կարգավորման օգտին և հույս ունի, որ դրա հիմնական պատճառները կլուծվեն:
Այս մասին Ռիո դե Ժանեյրոյում BRICS-ի երկրների արտգործնախարարների հանդիպմանը հայտարարել է Չինաստանի ԱԳՆ ղեկավար Վան Ին։
«Չինաստանն աջակցում է ուկրաինական ճգնաժամի խաղաղ կարգավորմանն ուղղված բոլոր ջանքերին և հուսով է, որ շահագրգիռ կողմերը կանդրադառնան ճգնաժամի բուն պատճառներին և հնարավորինս արագ կհասնեն արդար, երկարատև և խաղաղ համաձայնության, որը պարտադիր և ընդունելի կլինի բոլոր կողմերի համար»,-ասվում է Չինաստանի ԱԳՆ կայքում։
Չինացի նախարարը նշել է «օբյեկտիվ և անկողմնակալ դիրքորոշում պահպանելու և տարաձայնությունները երկխոսության և բանակցությունների միջոցով լուծելու հարցում պնդելու անհրաժեշտությունը»։
Նա նաև նշել է, որ Մերձավոր Արևելքի հարցում գլխավոր առաջնահերթությունը Գազայի հատվածում համապարփակ զինադադարի հաստատումն ու հումանիտար աղետին վերջ դնելն է։
