Վաշինգտոնը և Կիևը կարող են շրջանակային համաձայնագիր ստորագրել, որն ընդգրկում է Ուկրաինայի բոլոր հանքային ռեսուրսները և հիմնական էներգետիկ ակտիվները արդեն այս շաբաթ, գրում է Financial Times-ը՝ հղում անելով ուկրաինացի պաշտոնյաներին։
Ավելի վաղ Ուկրաինայի վարչապետ Դենիս Շմիգալը ԱՄՆ ֆինանսների նախարար Սքոթ Բեսենտի հետ հանդիպումից հետո ասել էր, որ Կիևը և Վաշինգտոնը համաձայնության են եկել, որ նախկինում ամերիկյան ֆինանսական օգնությունը չի ներառվի ընդերքի համաձայնագրում որպես պարտքային պարտավորություն։
«ԱՄՆ-ը և Ուկրաինան մոտ են հանքային ռեսուրսների վերաբերյալ շրջանակային համաձայնագրի ստորագրմանը այս շաբաթ այն բանից հետո, երբ Կիևը Թրամփի վարչակազմից զգալի զիջում ստացավ, որ նախկին ռազմական օգնությունը հաշվի չի առնվի», - ասվում է հրատարակության մեջ:
Շրջանակային համաձայնագիրը, որի վրա աշխատում են Ուկրաինան և Միացյալ Նահանգները, վերաբերում է բոլոր հանքային ռեսուրսներին, ներառյալ նավթն ու գազը, ինչպես նաև Ուկրաինայի տարածքում գտնվող հիմնական էներգետիկ ակտիվները, ասել են ուկրաինացի պաշտոնյաները:
