Կայացել է Հայաստան-ԵՄ ռազմավարական արդարադատության քաղաքականության երկխոսության 5-րդ հանդիպումը

23.04 19:32 | Կատեգորիա Քաղաքական

Այսօր արդարադատության նախարար Սրբուհի Գալյանի և Հայաստանում ԵՄ պատվիրակության ղեկավար Վասիլիս Մարագոսի գլխավորությամբ անցկացվել է Հայաստան-ԵՄ արդարադատության ոլորտի ռազմավարական քաղաքականության երկխոսության 5-րդ հանդիպումը։ Հանդիպմանը մասնակցել են պետական մարմինների, քաղաքացիական հասարակության ներկայացուցիչներ և միջազգային գործընկերներ։ Այս մասին տեղեկացնում են ՀՀ արդարադատության նախարարությունից:

Ողջունելով ներկաներին՝ Սրբուհի Գալյանն ընդգծել է, որ նիստի պարբերական անցկացումը վերահաստատում է Հայաստանի հանձնառությունը և ջանքերը՝ խորացնելու ԵՄ-ի հետ հարաբերություններն ու ընդլայնելու կայուն ու արդյունավետ համագործակցությունը:

Նախարարը խոսել է փոխգործակցության հիմնական ուղղությունների մասին՝ առանձնացնելով ՀՀ-ԵՄ Համապարփակ և ընդլայնված գործընկերության համաձայնագիրը, որի իրականացման շրջանակներում նախարարությունը ևս առանցքային դերակատարում ունի, Հայաստանի և ԵՄ-ի միջև վիզաների ազատականացման երկխոսությունը, ՀՀ-ԵՄ արդարադատության, ազատության և անվտանգության հարցերով ենթակոմիտեի ամենամյա նիստերը, ինչպես նաև ծրագրային համագործակցության տարբեր ձևաչափերը:

Բացման խոսքով հանդես գալով՝ ԵՄ պատվիրակության ղեկավար Վասիլիս Մարագոսը մատնանշել է այն առաջընթացը, որը Հայաստանը գրանցել է դատաիրավական ու հակակոռուպցիոն ռազմավարությունների շրջանակներում, ինչպես նաև անդրադարձել վիզաների ազատականացման երկխոսության շրջանակներում Հայաստան ժամանած առաքելության արձանագրումներին:

Բացման ելույթներից հետո նախարարի տեղակալ Աննա Կարապետյանը ներկայացրել է դատաիրավական և հակակոռուպցիոն բարեփոխումների ոլորտներում գրանցած առաջընթացը, ինչպես նաև «Աջակցություն Հայաստանում արդարադատության ոլորտի բարեփոխումներին. II փուլ» բյուջետային աջակցության համաձայնագրի շրջանակներում իրականացված գործողությունների մանրամասները:

Հանդիպումը ընթացել է հարց ու պատասխանի ձևաչափով, որի ընթացքում արդարադատության նախարարը և տեղակալները արձագանքել են հասարակական կազմակերպությունների ու միջազգային գործընկերների հարցադրումներին:

Հանդիպման ավարտին կողմերը վերահաստատել են Հայաստան-ԵՄ բազմաշերտ համագործակցության խորացման կարևորությունը՝ ընդգծելով, որ արդեն իսկ իրականացվող արդյունավետ ծրագրերը կշարունակվեն և իրենց տեղը կգտնեն բարեփոխումների առաջիկա օրակարգերում։

Ամենաշատ կարդացվածներ

Երեխան ընկել է հեծանիվից և ստացել ենթաստամոքսային գեղձի պատռվածք․ ՌԴ

22.04 01:04 | Կատեգորիա Ռուսաստան

ԱՄՆ փոխնախագահ Վենսը ժամանել է Դելի՝ Մոդիի հետ քննարկելու մաքսատուրքերն ու առևտրային համաձայնագիրը

21.04 20:18 | Կատեգորիա ԱՄՆ

Փաշինյանը շատ համայնքներում է պարտվել, բայց մնացել է իշխանության. Էդուարդ Շարմազանով (տեսանյութ)

21.04 21:15 | Կատեգորիա Քաղաքական

Համաձայնագրի և՛ ստորագրելը և՛ չստորագրելը չի բխում Հայաստանի շահերից. Հայկ Մարտիրոսյան (տեսանյութ)

21.04 22:02 | Կատեգորիա Մամուլ

2.5 մլն դոլար. Լիլիթ Հովհաննիսյանը կնկարահանվի ամերիկյան ֆիլմում (ֆոտո)

22.04 20:59 | Կատեգորիա Ժամանց

Բաքվում հերթական «դատական նիստ»- ում «ցուցմունքներ» են տվել Արկադի Ղուկասյանը, Արայիկ Հարությունյանը, Դավիթ Բաբայանը, Դավիթ Իշխանյանը

22.04 01:10 | Կատեգորիա Քաղաքական

Ո՞րն է Նիկոլի գլխավոր ծուղակը. Արամ Մանուկյան (տեսանյութ)

21.04 21:00 | Կատեգորիա Քաղաքական

Հրդեհ Ագարակ գյուղում

22.04 00:45 | Կատեգորիա Պատահարներ

ՍՊ ընկերությունը պետությանը պատճառել է առանձնապես խոշոր չափերի վնաս․ Քրեական ոստիկանության բացահայտումը (տեսանյութ)

22.04 00:13 | Կատեգորիա Հասարակություն

ՈՒՂԻՂ

Պատասխանատվությունը կրելու եք նաև դուք․ Ժորա Ավդալյանը՝ թուրք երիտասարդությանը (տեսանյութ)