Մորաքրոջ տղայից սուրճ է խնդրել, գնացել մուրճի հետևից ու դրանով սպանել նրան, հափշտակած շղթան վաճառել 65 հազար դրամով

15.10 11:13 | Կատեգորիա Հասարակություն

ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժնում քննվող քրեական վարույթի շրջանակներում իրականացված քննչական և ապացուցողական մեծածավալ և համակարգված գործողությունների արդյունքում պարզվել են Ձորաղբյուր բնակավայրի բնակչի սպանության՝ քննության համար էական նշանակություն ունեցող հանգամանքները: Այս մասին NEWS.am-ը տեղեկանում է ՔԿ-ից:

Քննությամբ, մասնավորապես, հիմնավորվել է, որ Ջրվեժ համայնքի Ձորաղբյուր բնակավայրի 42-ամյա բնակիչը, իր մորաքրոջ որդու տուն կատարած այցելությունների ընթացքում տեսնելով վերջինիս պարանոցի ոսկյա շղթան, պլանավորել է շահադիտական դրդումներով սպանել նրան և ավազակությամբ հափշտակել այն:

Իր մտադրությունն իրագործելու նպատակով 42-ամյա տղամարդը 2024 թվականի հոկտեմբերի 8-ին՝ ժամը 14:00-ի սահմաններում, այցելել է նշված ազգականին և տեսնելով, որ նա տանը միայնակ է, փայտ կոտրելու պատրվակով վերջինից կացին է խնդրել, սակայն պարզելով, որ տանը կացին չունի, որոշել է իր տանը գտնվող մուրճով սպանել:

Որպեսզի տուժողը չհասկանա իր այցելության իրական նպատակը, վերջինին խնդրել է սուրճ հյուրասիրել, որից հետո վերադարձել է իր տուն՝ հանցագործության գործիք հանդիսացող մուրճը վերցնելու և դրանով իր մտադրված հանցագործություններն ավարտին հասցնելու նպատակով:

Իր բնակության վայրից վերցնելով մուրճը և այն թաքցնելով պարկի մեջ, իսկ խոհանոցային դանակը՝ գոտկատեղում, ժամը 15:00-ի սահմաններում վերադարձել է ազգականի տուն և երբ վերջինս նստել է մահճակալին, 42-ամյա տղամարդը, պարկից աննկատ հանելով մետաղյա գլխով մուրճը, մի քանի հարված է հասցրել նրա գլխի գագաթային շրջանին և, պատճառելով կյանքի հետ անհամատեղելի՝ գանգի ներհրված կոտրվածքների ձևով վնասվածքներ՝ սպանել է նրան: Տեսնելով, որ մորաքրոջ որդին անշարժացել է, իր հետ նախապես վերցված դանակով կտրելով վերջինի պարանոցին առկա ոսկյա շղթան և հափշտակելով 36,5 սմ երկարությամբ ոսկյա շղթայի մի հատվածը՝ հեռացել է՝ հանցագործության գործիք հանդիսացող մուրճը և դանակը թողնելով դեպքի վայրում: Քննությամբ պարզվել է, որ ազգականին սպանելուց հետո 42-ամյա տղամարդը գնացել է Երևանի առևտրի կենտրոններից մեկը, որտեղ հափշտակված ոսկյա շղթայի մասը 65.000 ՀՀ դրամով վաճառել է: Ձեռք բերված բավարար փաստերի հիման վրա 42-ամյա տղամարդու նկատմամբ հանրային քրեական հետապնդում է հարուցվել է՝ ՀՀ քրեական օրենսգրքի 155-րդ հոդվածի 2-րդ մասի 10-րդ կետով և 252-րդ հոդվածի 2-րդ մասի 5-րդ կետով, և նրան ներկայացվել է մեղադրանք։ Միջնորդություն է ներկայացվել դատարան՝ վերջինիս նկատմամբ որպես խափանման միջոց կալանավորում կիրառելու վերաբերյալ, որը բավարարվել է: Նախաքննությունը շարունակվում է:

Ամենաշատ կարդացվածներ

Ադրբեջանի դատախազը պահանջել է Ռուբեն Վարդանյանին ցմաh ազատազրկել․ Թրամփը՝ ԱՄՆ ամենախաղաղասեր նախագահ (տեսանյութ)

18.12 17:37 | Կատեգորիա Հասարակություն

Խոշոր ավտովթար է տեղի ունեցել․ վիրավորներ կան

18.12 22:17 | Կատեգորիա Պատահարներ

Ինչպես է վարչությունը քվեարկել Փաշինյանի թեկնածությանը. «Հրապարակ»

18.12 09:15 | Կատեգորիա Մամուլ

«Կալասը հրապարակավ խոստացավ, որ ԵՄ–ն կօգնի Հայաստանին»․ Լավրով

18.12 21:19 | Կատեգորիա Քաղաքական

Ի՞նչը չներվեց Շիրակի մարզպետին. «Փաստ»

18.12 09:41 | Կատեգորիա Մամուլ

Ինքնաթիռ է վթարի ենթարկվել (տեսանյութ)

18.12 21:54 | Կատեգորիա Համաշխարհային

Մալխաս Ամոյանը ճանաչվել է տարվա հունահռոմեական ոճի լավագույն ըմբիշ՝ ըստ «Comeback Wrestlers of the Year–2025»–ի

19.12 18:37 | Կատեգորիա Սպորտ

Հայաստանի շախմատի ֆեդերացիան ամփոփել է 2025 թվականի արդյունքները

19.12 10:58 | Կատեգորիա Սպորտ

Թուրք պաշտոնյաները Գյումրիում փակ հանդիպում են ունեցել ՀՀ ներկայացուցիչների հետ. մանրամասներ (տեսանյութ)

20.12 18:00 | Կատեգորիա Քաղաքական

ՈՒՂԻՂ

Քաղաքացին կնոջ և երեք երեխաների հետ Մաթոսավանք վանական համալիր տանող անտառամիջյան ճանապարհին մոլորվել էր