ԱՄՆ նախագահ Դոնալդ Թրամփի վարչակազմը գնահատում է Սիրիայի անցումային նախագահ Ահմեդ ալ-Շարաայի՝ երկիրը կառավարելու կարողությունը՝ ամերիկյան զորքերի հնարավոր կրճատման և մարդասիրական օգնության ծրագրերի սահմանափակումների համար։ Այս մասին հայտնում է The Washington Post-ը՝ հղում անելով աղբյուրներին։
«Մենք չենք ձգտում փրկել Սիրիան հանուն սիրիացի ժողովրդի: Մենք ձգտում ենք ապահովել, որ Իրանը չվերադառնա, «Իսլամական պետությունը» չվերադառնա, քանի որ դա բխում է ամերիկացի ժողովրդի շահերից»,- ասել է ամերիկացի պաշտոնյան, որի անունը չի նշվում:
Մեկ այլ պաշտոնյա ընդգծել է, որ Թրամփի վարչակազմը նախատեսում է նվազեցնել զորքերի քանակը «մինիմումի» և դրանք պահել միայն հյուսիս-արևելքում։
Նշվում է, որ այս որոշումը վերջնական չէ։ ԱՄՆ իշխանությունները շարունակում են թերահավատորեն վերաբերվել Սիրիայի կառավարությանը և երկրի տարածքը վերահսկելու նրա կարողությանը: Նրանց կարծիքով, ժամանակավոր կառավարության սահմանադրությունը ոչ այլ ինչ է, քան «շարիաթի օրենքը գեղեցիկ փաթաթում»:
