Երկուշաբթի օրը Մոլդովայի Սահմանադրական դատարանը բավարարել է Գլխավոր դատախազության խնդրանքը և Գագաուզիային զրկել ինքնավարության դատախազին նշանակելու իրավունքից, ասել է հանրապետության Սահմանադրական դատարանի ղեկավար Դոմնիկա Մանոլեն։
Ավելի վաղ Գագաուզի ժողովրդական ժողովի փոխխոսնակ Գեորգե Լեյչուն հայտարարել էր, որ Սահմանադրական դատարանը երկուշաբթի օրը քննարկում է Գագաուզիայի դատախազության լիազորությունները սահմանափակելու հարցը՝ առանց ինքնավարության ներկայացուցիչների մասնակցության։ Օրենսդրությունը վերանայելու նախաձեռնությունը ներկայացրել է Մոլդովայի գլխավոր դատախազ Իոն Մունտեանուն։
«Սահմանադրական դատարանը որոշում է կայացրել բավարարել Գլխավոր դատախազության խնդրանքը՝ հակասահմանադրական ճանաչել «Գագաուզիայի հատուկ իրավական կարգավիճակի մասին» օրենքի 21-րդ հոդվածը, ինչպես նաև «Դատախազության մասին» օրենքի 25-րդ հոդվածը (3-րդ մաս) և 26-րդ հոդվածը։
Որոշումը վերջնական է և ուժի մեջ է մտնում օրենսդրական տեղեկագրում՝ «Պաշտոնական մոնիտոր»-ում հրապարակվելուց հետո։
