Ռուսաստանը կարող է անջատել էլեկտրաէներգիան ամբողջ Մեծ Բրիտանիայում. Այս մասին գրում է բրիտանական Daily Mail թերթը։
«Մեծ Բրիտանիան հենվում է գազատարների, էլեկտրական մալուխների և հողմակայանների հսկայական ցանցի վրա, սակայն դրանցից շատերը դրված են ծովի հատակի երկայնքով և հիմնականում անպաշտպան են», - ասվում է հոդվածում:
Հրատարակությունը նշել է, որ Բրիտանիայի ստորջրյա ենթակառուցվածքի ամենակարեւոր բաղադրիչը Viking Link հոսանքի մալուխն է։ Լրագրողների կարծիքով՝ ռուս զինվորականները, իբր, հեշտությամբ կարող էին վնասել այն, ինչը կհանգեցներ հոսանքազրկման ողջ թագավորությունում։
Պարբերականը հավելել է, որ առանձնակի անհանգստություն է առաջացրել ռուսական օվկիանոսագրական Yantar նավի հայտնաբերումն այն հատվածում, որտեղ անցնում է մալուխը։
Հունվարին Express թերթը հայտնել էր, որ բրիտանացի զինվորականները պատրաստ են կալանավորել ռուսական նավերը թագավորության ափերի մոտ: Հրատարակության համաձայն՝ նման միջոց կարող է կիրառվել, եթե նավերը կատարեն կասկածելի գործողություններ, ինչպիսիք են ստորջրյա խողովակաշարերն ու մալուխները վնասելը։
Թարգմանությունը՝ Euromedia24.com-ի
