Իրանն ու ԱՄՆ-ը կարող են շաբաթ օրը անուղղակի խորհրդակցությունների ժամանակ պայմանավորվել ապագա բանակցությունների ձևաչափի շուրջ։ Այս մասին «Ռոսիա-24» հեռուստաալիքին տված հարցազրույցում հայտարարել է Ռուսաստանում Իրանի դեսպան Քազեմ Ջալալին։
Դեսպանը պարզաբանել է, որ Թեհրանի և Վաշինգտոնի միջև այս բանակցությունների վերաբերյալ մանրամասն տեղեկություններ չունի։ «Սակայն կարող եմ ասել, որ սա կլինի առաջին հանդիպումը: Կարծում եմ, որ Իրանը և ԱՄՆ-ը նախ կհամաձայնեցնեն ապագա բանակցությունների ձևը, իսկ հետո իրենց համար նպատակներ կդնեն»,- ասել է Ջալալին։
Նրա խոսքով՝ բանակցությունները հնարավոր են, եթե հակառակ կողմն ազնիվ լինի իր դիրքորոշումներում։
«Երբեմն պատահում է, որ ԱՄՆ-ը գրում են բանակցությունների արդյունքը և ասում՝ դուք պետք է ստորագրեք այս փաստաթուղթը։ Իհարկե, նման պայմաններում մենք դրանք բանակցություններ չենք համարում։ Նախքան համաձայնության հասնելը պետք է երկխոսություն վարել երկու կողմերի հետ», - պարզաբանել է դիվանագետը իրանական կողմի դիրքորոշումը։
Ավելի վաղ ԱՄՆ նախագահ Դոնալդ Թրամփը հայտարարել էր, որ շաբաթ օրը Վաշինգտոնի և Թեհրանի միջև «գրեթե բարձր մակարդակով» հանդիպում կկայանա։
