Ալիևը դժգոհել է եվրոպական դիտորդական առաքելությունից և խոստացել այդ հարցը բարձրացնել ԵՄ–ի հետ իր շփումներում

14.10 17:30 | Կատեգորիա Քաղաքական

«Եվրամիությունը, ինչպես և նախկինում, պետք է չեզոքություն պահպանի հայ-ադրբեջանական հակամարտության կարգավորման գործընթացում։ Ժամանակին ԵՄ-ն ակտիվ չէր այս հարցում՝ պատճառաբանելով, որ դրանով զբաղվում է ԵԱՀԿ Մինսկի խումբը, և որ Եվրամիությունն ուղղակիորեն առնչություն չունի այս գործընթացի հետ։ Այժմ, սակայն, Եվրամիությունն ակտիվորեն ներգրավված է քննարկման մեջ, բայց, ցավոք, Բրյուսելի որոշ ներկայացուցիչներ կողմնակալ մոտեցում են ցուցաբերում։ Սա անարդյունավետ դիրքորոշում է, որը անվստահություն է ծնում և հեռացնում ԵՄ-ին կարգավորման գործընթացից»,– այդ մասին հայտարարել է Ադրբեջանի նախագահ Իլհամ Ալիևը՝ ընդունելով Ադրբեջանում Բելգիայի Թագավորության նորանշանակ արտակարգ և լիազոր դեսպան Ժուլիեն դե Ֆրեպոնի հավատարմագրերը։

Երկրի ղեկավարը նշել է նաև, թե ԵՄ-ի և Ադրբեջանի միջև համագործակցությունը շարունակելու համար «կարևոր է խուսափել Ֆրանսիայի ուղուց և չընկնել նրա ազդեցության տակ»։ Հայ-ադրբեջանական հարաբերությունների կարգավորման հարցում Ֆրանսիայի քաղաքականությունը, ըստ Ալիևի, եղել և մնում է «ապակառուցողական»։

Ալիևն ընդգծել է, որ Ադրբեջանի և Եվրամիության հարաբերություններում անվստահություն առաջացնող գործոններից մեկը սահմանին եվրոպական դիտորդական առաքելության մանդատի երկարաձգումն է՝ առանց Ադրբեջանի հետ համաձայնության կամ խորհրդակցության։ Նա տարակուսել է՝ ի՞նչ կարիք կա դրա համար։ 2022 թվականի հոկտեմբերին Պրահայում Ադրբեջանը համաձայնել է երկամսյա ժամկետով առաքելության ժամանակավոր ներկայությանը, որը բաղկացած է սահմանափակ թվով պաշտոնաթող սպաներից։ Սակայն երբ առաքելությունը երկարաձգվեց, Ադրբեջանին չծանուցեցին կամ չխորհրդակցեցին: Ներկայումս բանակցություններ են տարվում առաքելությունը լրացուցիչ ժամկետով երկարաձգելու շուրջ։

Նա նաև դժգոհություն է հայտնել առաքելության անդամների պահվածքից՝ այն որակելով որպես «քաղաքական մշակույթի նորմերից դուրս «հեռադիտակային դիվանագիտություն»։ Նա ընդգծել է, որ Ադրբեջանը մտադիր է այդ հարցը բարձրացնել Եվրամիության հետ իր շփումներում։

Ամենաշատ կարդացվածներ

Ադրբեջանն իր «դատավարություններով» հաշվարկել է, որ ՀՀ-ի «պատճառած վնասը» գերազանցում է 11 մլրդ ԱՄՆ դոլարը․ Թաթոյան

14.03 21:37 | Կատեգորիա Մտքեր

Պուտինը Կուրսկի մոտ գտնվող ուկրաինացի զինվորականներին ահաբեկիչներ է անվանել

13.03 00:45 | Կատեգորիա Ռուսաստան

Մոսկվան գործի դրեց «Պլան Բ»-ն Փաշինյանի տեսքով. Ժիրայր Սէֆիլյանը բացում է փակագծերը 2018-ի մասին

12.03 23:35 | Կատեգորիա Քաղաքական

Ստեղծվել է պատվաստանյութ, որը միաժամանակ պաշտպանում է COVID-19-ից և գրիպից

13.03 00:54 | Կատեգորիա Բժշկություն

Արեգակնային ջերմությունը կարող է ազդել երկրաշարժերի վրա

13.03 00:30 | Կատեգորիա Գիտություն և մշակույթ

Առեղծվածային ու ողբերգական դեպք․ Նոր Հաճնի ջրատարում հայտնաբերվել է տղամարդու մարմին

13.03 00:13 | Կատեգորիա Պատահարներ

Զարմացած եմ Հայաստանի ներկայիս ղեկավարության՝ արցախցիների նկատմամբ ատելության խորությունից, և ուրախ եմ, որ խանգարեցի նրանց իրականացնել իրենց ծրագիրը. Ռուբեն Վարդանյան

13.03 17:01 | Կատեգորիա Քաղաքական

Գիտնականները բացահայտել են խորջրյա ձկների էքստրեմալ պայմաններում գոյատևելու գաղտնիքները

14.03 02:00 | Կատեգորիա Գիտություն և մշակույթ

Բաքվի դատարանում Բակո Սահակյանն ու Արայիկ Հարությունյանը պատասխանել են իրենց ուղղված հարցերին. Հետք

14.03 23:49 | Կատեգորիա Մամուլ

ՈՒՂԻՂ