Բեռլինը դադարեցրել է փախստականների ընդունումը ՄԱԿ-ի փախստականների հարցերով գերագույն հանձնակատարի գրասենյակի (UNHCR) ծրագրի շրջանակներում՝ վկայակոչելով Քրիստոնեա-դեմոկրատական և Քրիստոնեա-սոցիալական միության (CDU/CSU) դաշինքի և Սոցիալ-դեմոկրատների (SPD) կոալիցիոն բանակցությունները, որոնք մտադիր են խստացնել երկրի միգրացիոն քաղաքականությունը, հայտնում է DPA գործակալությունը։
Գերմանիայի ՆԳՆ-ի և ՄԱԿ ՓԳՀ-ի կողմից հաստատված տվյալների համաձայն՝ երկրի կառավարությունը կասեցրել է ՄԱԿ ՓԳՀ-ի «Վերաբնակեցման ծրագրի» շրջանակներում նոր փախստականներ ընդունելու իր պարտավորությունները, գրում է DPA-ն։ Այս ծրագրի շրջանակներում Գերմանիան հաստատել է 2024 և 2025 թվականներին հատուկ պաշտպանության կարգավիճակ ունեցող 13000 փախստականների ընդունումը։
Կասեցման պատճառների թվում են Գերմանիայի ապագա կառավարության ձևավորման շուրջ բանակցությունները, որոնց ընթացքում մեծ ուշադրություն է դարձվում անօրինական միգրացիայի սահմանափակման խնդրին։ CDU/CSU դաշինքը հանդես է գալիս միգրացիոն քաղաքականության արմատական խստացման օգտին, մինչդեռ սոցիալ-դեմոկրատները միայն մասամբ են աջակցում նման միջոցների ընդունմանը։
