Ֆուտբոլի Իսպանիայի առաջնության 30-րդ տուրի տնային խաղում «Ռեալը» 1:2 հաշվով պարտվեց «Վալենսիային»։ Հանդիպումը կայացել է «Սանտյագո Բեռնաբեու» մարզադաշտում։
«Վալենսիայի» կազմում գոլերի հեղինակ դարձան Մուկտար Դյակաբան (15-րդ րոպե) և Ուգո Դուրոն (90+5): «Ռեալի» կազմում աչքի ընկավ Վինիսիուսը (50)։ Հանդիպման 13-րդ րոպեին Վինիսիուսը չկարողացավ անվրեպ իրացնել 11 մետրանոցը։
«Վալենսիան» 2008 թվականի մարտի 23-ից հետո առաջին անգամ հաղթեց «Ռեալին» Իսպանիայի առաջնության արտագնա խաղում: Այդ ժամանակ «Վալենսիան» հաղթեց 3։2 հաշվով։ Դրանից հետո ազգային առաջնության շրջանակներում թիմերը Մադրիդում 16 հանդիպում են անցկացրել միմյանց հետ, որոնցից 11-ն ավարտվել են «Ռեալի» հաղթանակով։
«Ռեալը» Իսպանիայի առաջնության մրցաշարային աղյուսակում զբաղեցնում է 2-րդ տեղը՝ վաստակելով 63 միավոր։ «Վալենսիան» 34 միավորով 15-րդ հորիզոնականում է։
