Վրաստանի խորհրդարանի նախագահ Շալվա Պապուաշվիլին կոչ է արել արեւմտյան երկրների դեսպաններին դադարեցնել միջամտությունը հանրապետության ներքին գործերին։
«Ցավոք, անսովոր չափանիշ է դարձել, երբ դիվանագիտական ներկայացուցչություններից բոլորը ինչ-ինչ պատճառներով կարծում են, որ կարող են ազատորեն միջամտել Վրաստանի ներքին գործերին՝ չնայած իրենց նկատմամբ կիրառվող միջազգային իրավական սահմանափակումներին։
Մենք տեսնում ենք, որ օր օրի ինչ-որ անհիմն մեկնաբանություններ են արվում՝ կապված Վրաստանի, վրացական արդարադատության, Վրաստանի խորհրդարանի, կառավարության, այս խորհրդարան ընտրած բնակչության վրա հարձակումների հետ»,- լրագրողներին ասել է Պապուաշվիլին։
Նա հիշեցրել է դեսպաններին, որ նրանք ենթարկվում են դիվանագիտական հարաբերությունների մասին Վիեննայի կոնվենցիային։
«Բոլորը պետք է մնան դիվանագիտական հարաբերությունների մասին Վիեննայի կոնվենցիայի, մասնավորապես՝ 41-րդ հոդվածի շրջանակներում, որը դիվանագիտական առաքելության ներկայացուցիչներին պարտավորեցնում է չմիջամտել ընդունող երկրի ներքին գործերին»,- ընդգծել է Պապուաշվիլին։
ԱՄՆ-ի և ԵՄ-ի հետ Վրաստանի հարաբերությունների սառեցումը տեղի ունեցավ անցյալ տարվա մայիսին Վրաստանի խորհրդարանի կողմից օտարերկրյա գործակալների մասին օրենքի ընդունման ֆոնին։
