Գերմանիայի քաղաքացիների կեսից ավելին վախենում է Ուկրաինայում հակամարտության հնարավոր ընդլայնումից։ Այս մասին են վկայում RTL և NTV հեռուստաալիքների պատվերով Forsa սոցիոլոգիական ծառայության անցկացրած հարցման տվյալները։
Հետազոտության արդյունքների համաձայն՝ հարցվածների 54%-ը խոստովանել է, որ անհանգստացած է Ուկրաինայի սահմաններից դուրս հակամարտության հնարավոր տարածմամբ, և որ Գերմանիան ինքը կարող է դառնալ նրա կողմերից մեկը։ Ավելին, հարցման մասնակիցների 39%-ը վախենում է Գերմանիայի տարածքում ուղղակի ռազմական գործողություններից։
Ընդ որում, հարցվածների 45%-ը նշել է, որ իրենց չի անհանգստացնում հակամարտության հնարավոր ընդլայնումը։
Ուսումնասիրությունն անցկացվել է մարտի 28-ից մարտի 31-ը, որին մասնակցել է մոտ 1 հազար մարդ։
