Գագաուզիայի ղեկավար Եվգենյա Գուցուլի կալանքը երկարաձգելու որոշումը բողոքարկվելու է Քիշնևի վերաքննիչ դատարանում, հաղորդում է մոլդովական ընդդիմադիր Pobeda քաղաքական դաշինքը։
Քիշնևի շրջանային դատարանը ուրբաթ օրը մասամբ բավարարել է դատախազների պահանջը և Գուցուլին 20 օր ժամկետով կալանավորելու որոշում կայացրել։ Պաշտպանական կողմը մտադիր է բողոքարկել այս որոշումը։
«Եվգենյա Գուցուլի կալանքը երկարաձգելու որոշումը բողոքարկվելու է Վերաքննիչ պալատում, սա անարդար և անօրինական դատավճիռ է՝ կայացված դատավարական կոպիտ խախտումներով։ Դատախազությունը պարտավոր էր կալանքի ժամկետը լրանալուց առնվազն 24 ժամ առաջ կալանքի մասին միջնորդություն ներկայացնել՝ դրա անհրաժեշտության ապացույցներով հանդերձ։
Փաստաթղթերը, փաստորեն, ուշ են հասել, եւ նիստի ժամանակ դրանք փոխանցվել են պաշտպանական կողմին։ Սա օրենքի և պաշտպանության իրավունքի ուղղակի խախտում է»,- ասվում է բլոկի Telegram ալիքում հրապարակված հաղորդագրության մեջ։
Ավելի վաղ հայտնել էինք, որ Գագաուզիայի բոլոր իշխանությունները շարունակում են իրենց բնականոն աշխատանքը շրջանի ղեկավար Եվգենյա Գուցուլի ձերբակալությունից հետո։
