Այսօր շրջանառության մեջ է դրվում մեկ նամականիշով գեղաթերթիկ՝ նվիրված «Սպորտ. 33-րդ ամառային օլիմպիական խաղեր «Փարիզ-2024»» թեմային:
800 ՀՀ դրամ անվանական արժեքով գեղաթերթիկի նամականիշի վրա պատկերված է վազող մարզիկ՝ օլիմպիական ջահը ձեռքին:
Նամականիշի վրա նաև պատկերված են օլիմպիական օղակները և «ՓԱՐԻԶ 2024» գրառումը՝ անգլերեն լեզվով:
Գեղաթերթիկի ձախ հատվածում պատկերված է հին հունական ամֆորա՝ վազող մարզիկներով, իսկ աջ հատվածում՝ Էյֆելյան աշտարակը, Փարիզի Աստվածամոր տաճարը և Փարիզի Հաղթանակի կամարը:
Գեղաթերթիկի վրա նաև պատկերված է «XXXIII ԱՄԱՌԱՅԻՆ ՕԼԻՄՊԻԱԿԱՆ ԽԱՂԵՐ» գրառումը՝հայերեն և անգլերեն լեզուներով:
Թողարկման օրը` 11 հոկտեմբերի 2024թ.
Դիզայնը՝ Դավիթ Դովլաթյանի
