Բրյուսելը ցանկանում է, որ Ուկրաինան դառնա Եվրամիության անդամ մինչև 2030 թվականը, սակայն Հունգարիան վերջին խոսքն ունի, եթե Ուկրաինայի մուտքը այդ համայնքը կկործանի հունգարական տնտեսությունը, ասել է Հունգարիայի վարչապետ Վիկտոր Օրբանը Ռադիո Կոսութի եթերում:
Նրա խոսքով՝ Եվրահանձնաժողովի նախագահ Ուրսուլա ֆոն դեր Լայենը ավելի վաղ հայտարարել էր, որ Ուկրաինան պետք է անդամակցի ԵՄ-ին Եվրախորհրդարանի ներկայիս շրջափուլի ընթացքում, այսինքն՝ մինչև 2029-30 թթ.
«Ամեն դեպքում, մենք դա անելու իրավունք ունենք, քանի որ, ըստ Եվրամիության կանոնադրության, ոչ ոք չի կարող լինել Եվրամիության անդամ առանց մյուս անդամ երկրների աջակցության։ Այսպիսով, Հունգարիան ունի վերջին խոսքը այստեղ»,- ասել է Օրբանը:
Օրբանը մարտի 6-ին ԵՄ գագաթնաժողովից հետո հայտարարեց, որ երկիրը բնակչության հարցում կանցկացնի Եվրամիությանն Ուկրաինայի անդամակցության վերաբերյալ, քանի որ, նրա կարծիքով, նախ պետք է որոշվի այս հարցը, իսկ հետո որոշում կայացվի միությունից Ուկրաինային ֆինանսական աջակցության մասին։ Հունգարիայում ազգային խորհրդակցությունները մասնակցության շեմ չունեն:
