Իրանագետ Արտյոմ Տոնոյանը ֆեյսբուքյան էջում գրել է. «Առաջին լուսանկարում 1937 թվականին Ադրբեջանում տպագրված ադրբեջաներենի 2-րդ դասարանի այս դասագիրքը նախատեսված էր թաթական դպրոցների համար, որտեղ ադրբեջաներենը դասավանդվում էր որպես երկրորդ լեզու։
Երկրորդ լուսանկարում արդեն թաթերենի առաջին դասարանի դասագիրք է՝ տպագրված 1996 թվականին, որը նախատեսված էր թաթաբնակ տարածքների դպրոցներում թաթերենի ֆակուլտատիվ դասերի համար, բայց տպագրությունից 2 տարի անց հավաքվեց դպրոցներից և ոչնչացվեց գրեթե ամբողջությամբ։
3-րդ լուսանկարում նոր մի դասագիրք է՝ 2024 թվականին հրատարակված, որի պետական քարոզչությունն արվել է հետևյալ թեզով. «Ադրբեջանում պատմության մեջ առաջին անգամ լույս է տեսել թաթերենի դպրոցական դասագիրք»։
Քարոզչական այս և մնացած կեղծիքների պատճառների, ինչպես նաև Ադրբեջանի լեզվական քաղաքականության նոր ուղղությունների մասին շուտով մանրամասն և փաստարկված մեր առաջիկա հոդվածում»։
