Նոյեմբերի 1-ից կգործարկվի ոստիկանության գվարդիան

07.03 19:11 | Կատեգորիա Հասարակություն

ՆԳՆ հենասյունային բարեփոխումների շրջանակում նոյեմբերի 1-ից կգործարկվի Ոստիկանության գվարդիան, որը նոր սպառազինությամբ ու վերապատրաստված անձնակազմով պատասխանատվություն կստանձնի մի շարք ուղղություններով: Գվարդիան կիրականացնի հասարակական կարգի պահպանության և հասարակական անվտանգության ապահովման, պետական շենքերի ու կարևորագույն օբյեկտների պաշտպանության, պետական արարողակարգով նախատեսված պատվիրակությունների ուղեկցման, ինչպես նաև ռազմական և արտակարգ դրության իրավական ռեժիմի ապահովման գործառույթներ:

Գվարդիայի գործառույթների արդյունավետությունը բարձրացնելու համատեքստում՝ Լիտվայի Հանրապետության Հանրային անվտանգության ծառայության հրամանատար Վիկտորաս Գրաբաուսկասի գլխավորած պատվիրակությունը, միջազգային փորձի փոխանակման և համագործակցության ամրապնդման նպատակով, Հայաստանում էր։

Այցի շրջանակում տեղի է ունեցել «ԵՄ-ում ոստիկանական գվարդիաների կառուցվածքը, գործառույթային խնդիրները և լավագույն փորձը» թեմայով կլոր սեղան-քննարկում։ Մասնակցում էին Ոստիկանության զորքերի հրամանատար Հայկ Բաբայանը, Լիտվայի Հանրապետության Հանրային անվտանգության ծառայության հրամանատար Վիկտորաս Գրաբաուսկասը, ներկայացուցիչներ ՆԳ նախարարությունից, ինչպես նաև միջազգային փորձագետներ։

Քննարկվել են Ոստիկանության գվարդիայի կառուցվածքային առանձնահատկությունները, զարգացման ուղիները, տեխնիկական հագեցվածությունն ու գործընկեր կառույցների հետ փոխգործակցությունը։ Միջազգային լավագույն փորձի ներդրման նպատակով անդրադարձ է կատարվել նաև լիտվական Հանրային անվտանգության ծառայության գործառույթներին, աշխատանքի առանձնահատկություններին, կառավարման մոդելներին, ինչպես նաև համագործակցության հնարավորություններին։

Պատվիրակությունը շրջայց է կատարել ՆԳՆ Ոստիկանության զորքերում՝ ծանոթանալով նյութատեխնիկական հագեցվածությանն ու ծառայության մարտահրավերներին։

Ավարտին Ոստիկանության զորքերի հրամանատարը արդյունավետ համագործակցության համար պարգևատրել է պատվիրակության անդամներին։

Հյուրերը եղել են նաև ՆԳՆ կրթահամալիրում, որտեղ ԵՄ կողմից ֆինանսավորվող «Աջակցություն Հայաստանում իրավապահ մարմինների և անվտանգության ոլորտի բարեփոխումներին» ծրագրի շրջանակում երկշաբաթյա վերապատրաստման մասնակիցներին հանձնել են հավաստագրեր։

Ամենաշատ կարդացվածներ

«Իրավունք». «Քուանշ Նիկոլ». Կամանդույուշին անցավ պլան «Բ»–ի

24.06 09:37 | Կատեգորիա Մամուլ

Նատանի կինը՝ Աննաստասիա Շվեցովան, բացեց ամուսնու դավաճանության մանրամասները

24.06 19:51 | Կատեգորիա Ժամանց

«Քուանշ Նիկոլ, խաղն ավարտվեց, հիմա դու պիտի ընկնես իմ հետեւից»․ Մինասյանը դիմել է ԱԺ խորհրդին

24.06 13:38 | Կատեգորիա Քաղաքական

ԱՄՆ-ի և Իսրայելի հաշվարկները սխալ դուրս եկան․ Արմեն Այվազյան

24.06 11:33 | Կատեգորիա Հասարակություն

«Իրավունք». ՔՊ-ում մեկնարկել է «լավ տղերքի որսը»

24.06 09:40 | Կատեգորիա Մամուլ

«Հրապարակ». Վարդան Ղուկասյանը համեստ հարսանիք է արել

24.06 09:28 | Կատեգորիա Մամուլ

Ինչ «Հեղաշրջման պլան» է հրապարակել ՔՊ-ն. ընդդիմությունից նշում են՝ տեղյակ չեն (տեսանյութ)

24.06 19:49 | Կատեգորիա Քաղաքական

Guardian․ Ռյուտեն կոչ է արել բրիտանացիներին պաշտպանվել ռուսերեն խոսելուց

24.06 14:41 | Կատեգորիա Մամուլ

«Ժողովուրդ». Արծվիկ Մինասյանը դիմել է ԱԺ խորհրդին` անձեռնմխելիությունից իրեն զրկելու հարցը շտապ կարգով քննարկելու

24.06 09:33 | Կատեգորիա Մամուլ

ՈՒՂԻՂ