Բրազիլիայում ավտոբուսն ընկել է ձորը, 25 մարդ վիրավորվել է, իսկ 13-ամյա դեռահասը մահացել է, հայտնում է CNN Brasil-ը՝ հղում անելով տեղի հրշեջներին և ոստիկանությանը։
Հեռուստաալիքի տվյալներով՝ միջադեպը տեղի է ունեցել մարտի 6-ի վաղ առավոտյան։ 45 ուղեւոր տեղափոխող ավտոբուսն ընկել է ժայռից. մեքենան Ռիո դե Ժանեյրոյից գնում էր Սան Պաուլո։
«Ավտոբուսի հետ տեղի ունեցած վթարի հետևանքով 25 մարդ տուժել է Պինդամոնյանգաբա քաղաքում (հեղ.) Սան Պաուլոյի մոտ իրավապահ մարմինները հայտնել են, որ 13-ամյա դեռահասը մահացել է հիվանդանոցում»,- հայտնում է հեռուստաալիքը։
CNN Brasil-ը հավելում է, որ վիրավորներից հինգը ծանր վիճակում են։ Հեռուստաալիքի տվյալներով՝ վթարը կարող էր տեղի ունենալ այն պատճառով, որ վարորդի կողմից իրականացված մանևրի ժամանակ ավտոբուսի անիվներից մեկը մխրճվել է ճանապարհի եզրը թմբից բաժանող եզրաքարի վրա։ Արդյունքում ավտոբուսը կորցրել է հավասարակշռությունը և հայտնվել ձորում։
