Երգիչ Վալերի Մելաձեին մեկ շաբաթ առաջ նկատել են «Շերեմետևո» օդանավակայանում։ Այս մասին հայտնում է Mash-ը։
Telegram ալիքի տվյալներով՝ արտիստը գաղտնի թռել է Մոսկվա՝ բիզնես հարցերը լուծելու համար։ Mash-ը հրապարակում է նաև Մելաձեի հետ երկու տեսահոլովակ՝ նկարահանված օդանավակայանում. դրանցից մեկում կատարողը ինքնաթիռ է նստում, իսկ մյուսում՝ զրուցում է արդեն սրահում գտնվող երկրպագուի հետ։
Mash-ը պնդում է, որ Մելաձեն Ռուսաստանից թռել է Ադրբեջան, քանի որ փետրվարի 28-ին համերգ է ունեցել Բաքվում։ Ելույթի ժամանակ երաժիշտը զրուցել է հանդիսատեսի հետ՝ հույս ունենալով, որ մի օր նրանք ստիպված չեն լինի ինքնաթիռի տոմս գնել իր համերգին ներկա գտնվելու համար։
Telegram ալիքը նաեւ պնդում է, որ Մելաձեն հրաժարվում է ելույթ ունենալ Ռուսաստանում՝ վկայակոչելով իր գրաֆիկը։ Կազմակերպիչները կարծում են, որ արտիստը վախենում է «մեդիա արտահոսքից և հետագա ատելությունից»։
Մելաձեն այս պահին ապրում է Իսպանիայում։ Հունվարի 20-ին հաղորդվել էր նաեւ, որ արտիստը գաղտնի ժամանում է Ռուսաստան։ Լրատվամիջոցների տեղեկություններով՝ արտիստը նախատեսում էր այցելել Շոթա Մելաձեի հոր գերեզմանին մինչև իր լայնածավալ համաշխարհային շրջագայության մեկնարկը։
Թարգմանությունը՝ Մանուել Թամազյանի
