Զգացմունքային մակարդակում այդ բոլոր զգացումները կիսում եմ, նաև հասկանում եմ բոլոր այն մարդկանց պահանջներն ու արձանագրումները, որոնք արվում են։
ԱԳՆ-ն էլ, ես էլ հանդես ենք եկել հայտարարությամբ, որոնք հստակ գնահատականներ են տալիս, և այդ ուղղությամբ արվում է հնարավոր դիվանագիտական աշխատանքներ։ Այս մասին հայտարարել է ՀՀ վարչապետ Նիկոլ Փաշինյանը՝ խոսելով Բաքվում գտնվող հայ գերիների մասին։
«Աշխարհը ավելի լավ ճանաչելու խնդիր ունենք, մեզ թվում է, թե բոլոր դեսպաններին հրավիրեցինք, ձևակերպեցինք՝ հարցը լուծվելու է։ Ոչ, այդպես չէ։ Սենտիմենտները` սենտիմենտներ, բայց մենք պետք է գործենք բանաձևերով»,- ասել է նա։
