Ես 2020 թվականի հոկտեմեբրի 25–ից եղել եմ առաջնագծում՝ Սյունիքի ուղղությամբ, որտեղ այդ պահին մարտական գործողություններ էին ընթանում։ Այնտեղից վերադարձել եմ 2020 թվականի նոյեմբերի 9–ին։ Այլ գործընկերների հետ կապված ինֆորամցիային չեմ տիրապետում և չեմ ցանկանում գնահատական տալ։
Փորձել եմ առնվազն իմ գործունեությամբ նպաստել պատերազմում ոչ այնպիսի ելքին, ինչպիսին ունեցանք։ Այս մասին լրագրողների հետ զրույցում ասաց ՏԿԵ նախարար Դավիթ Խուդաթյանը։
Նա նշեց, որ Գյումրու քաղաքապետի ՔՊ-ական թեկնածու Սարիկ Մինասյանի հայտարարության մեջ ոչ մի բացասական բան չի տեսնում․
«Պարոն Մինասյանի խոսքն առաջին հերթին վերաբերում է իրեն և մեզնից յուրաքանչուրին, ովքեր ոչ բավարար ջանք են գործադրել պատերազմում այսպիսի ողբերգական ելք չունենալու համար»,– նշեց նա՝ հավելելով, որ համակարծիք է Սարիկ Մինասյանի հետ։ «Ես պաշտպանել եմ ՀՀ պետական սահմանը և պատրաստ եմ պաշտպանել այն»,– նշեց նախարարը։
Հիշեցնենք՝ Սարիկ Մինասյանը լրագրողի հետ զրույցում հայտարարել էր, որ «Արցախը Փաշինյանը չի հանձնել, չենք կռվել։ Ես, դու չենք կռվել։ Բոլորս պիտի կռվեինք»:
