Ն.Ս.Օ.Տ.Տ. ԱՐԱՄ Ա. կաթողիկսն ընդունել է երեք նորաօծ եպիսկոպոսներին։ Հայտնում են Կաթողիկոսության մամուլի ծառայությունից․ «Երկուշաբթի, 24 Փետրուար 2025-ի առաւօտուն, Անթիլիասի Մայրավանքի գրասենեակին մէջ, Ն.Ս.Օ.Տ.Տ. Արամ Ա. Վեհափառ Հայրապետը ընդունեց նորաօծ երեք եպիսկոպոսները՝ Գերաշնորհ Տէր Սահակ Եպիսկոպոս Եմիշեան (Յունաստանի Հայոց Թեմի առաջնորդ), Գերաշնորհ Տէր Պետրոս Եպիսկոպոս Մանուէլեան (Քուէյթի եւ Շրջակայից Հայոց Թեմի կաթողիկոսական փոխանորդ) եւ Գերաշնորհ Տէր Տաճատ Եպիսկոպոս Աշըգեան (Կաթողիկոսարանի դիւանապետ)։
Նորին Սրբութիւնը շնորհաւորեց նորըծայ սրբազան հայրերը եւ մաղթեց, որ իրենց նոր ստանձնած յոյժ կարեւոր պատասխանատուութեան մէջ եւս ըլլան գիտակից ու զգօն։ Այս առիթով Հայրապետը ընդգծեց հոգեւորականին ծառայական ոգիին անշահախնդրութիւնը։
Ան ըսաւ, որ մենք, իբրեւ հոգեւորականներ, թէ՛ տէրերն ենք եւ թէ՛ ծառաները մեր ժողովուրդին. ուստի, որպէս նորաօծ առաջնորդները ու հովիւները ձեր հօտերուն, պէտք է այս գիտակցութեամբ ձեր ծառայութիւնը ի սպաս դնէք։
Հայ եկեղեցւոյ հոգեւորականը եւ ի մասնաւորի Մեծի Տանն Կիլիկիոյ Կաթողիկոսութեան միաբանը, իր առջեւը ունի միայն մէ՛կ նպատակ.- ծառայել, ծառայել եւ միայն ծառայել։ Հանդիպման աւարտին, Արամ Ա. Կաթողիկոս բարձր գնահատեց նորընծայ եպիսկոպոսներուն ծառայական առաքելութիւնը, օրհեց զանոնք եւ յաջող ու արդիւնաբեր ծառայութիւն մաղթեց անոնց»։
