Կանադայի վարչապետ Ջասթին Թրյուդոն ԱՄՆ նախագահ Դոնալդ Թրամփի հետ հեռախոսազրույցում հայտարարել է Ռուսաստանի հետ ցանկացած հնարավոր խաղաղ համաձայնագրում Ուկրաինայի անվտանգության երաշխիքներ ներառելու անհրաժեշտության մասին։ Այս մասին հայտնում է The Globe and Mail թերթը՝ հղում անելով անանուն աղբյուրին։
Կանադայի վարչապետն ընդգծել է, որ բոլորն են ցանկանում, որ հակամարտությունը ավարտվի, սակայն կարգավորման հնարավոր համաձայնագիրը չպետք է «թույլ տա Ռուսաստանին ռազմական ուժ կիրառել իր տարածքն ավելի ընդլայնելու համար»։
Ինչպես նշել է հրատարակության զրուցակիցը, ով ցանկացել է անանուն մնալ, Թրամփը համաձայն չի եղել Թրյուդոյի կարծիքի հետ, սակայն որևէ առարկություն չի հայտնել։
