Իշխող «Վրացական երազանք - Ժողովրդավարական Վրաստան» կուսակցությունը նախաձեռնել է օտարերկրյա գործակալների մասին նոր օրենք, որը ԱՄՆ-ում գործող FARA օրենքի (Foreign Agents Registration Act) ճշգրիտ պատճենն է։ Այս մասին լրագրողներին հայտնել է Վրաստանի խորհրդարանի խոսնակ Շալվա Պապուաշվիլին։
«Դա արդեն նախաձեռնված է։ Նախագծի քննարկումը կսկսենք հաջորդ շաբաթ։ Բոլորը կտեսնեն, որ սա ճշգրիտ թարգմանություն է։ Եթե որևէ մեկը բողոք ունի տեքստի որևէ բառի, կետի կամ ստորակետի վերաբերյալ, թող դիմի Ամերիկայի Միացյալ Նահանգներին և ասի՝ ինչ իրեն դուր չի գալիս ամերիկյան համակարգում», - ասել է Պապուաշվիլին։
