«Հավատում եմ, որ մի օր ապրելու եմ Արցախում: Ես ուզում եմ հավատալ դրան, ես շատ նպատակներ ունեի Արցախի հետ կապված: Բայց եղավ այն, ինչ եղավ:
Ցավոք, մեր 5000 երեխաների կյանքն արդեն չենք կարող հետ վերադարձնել, նրանք անմահացան՝ իրենց կյանքը նվիրելով երկրին: Եթե մենք այս կետին ենք, ուրեմն ինչ-որ բան սխալ ենք արել, մենք պետք է հետ նայենք ու փորձենք ուղղել այդ սխալները: Իսկ Արցախի հետ կապված ես մեծ հույս ունեմ, որովհետև ուզում եմ»,- «24 News»-ի եթերում ասել է աշխարհի չեմպիոն, Եվրոպայի կրկնակի չեմպիոն Նազիկ Ավդալյանը:
Հիշեցնենք, Նազիկ Ավդալյանը մինչև Արցախի շրջափակումը հայտնել էր, որ ցանկություն ունի տեղափոխվելու և բնակվելու Արցախում:
