«Նոր Ալիք 2024» միջազգային երգի մրցույթում Հայաստանը կներկայացնի Անահիտ Հակոբյանը, այս մասին հայտարարված է երգչուհու ինստագրամյան էջում:
«Սիրելիներս, անսահման ուրախ եմ ու երջանիկ, որ հենց ես եմ ներկայացնելու Երկիրս՝ Հայաստանս, այս հեղինակավոր մրցույթում: Մաղթեք ինձ հաջողություն եզրափակչում»,-գրել է նա:
Ապրիլի 8-ին կայացել էր «Նոր Ալիք» Միջազգային մրցույթի Հայաստանի ազգային նախընտրական փուլը: Անահիտ Հակոբյանն ու Մովսես Մովսիսյանը ընտրվել էին մրցույթի հաջորդ փուլին մասնակցելու համար, որը կայացավ այս ամիս՝ Մոսկվայում:
Մրցույթն այս տարի անցկացվելու է օգոստոսի 22-ից 27-ը:
