Աֆղանստանի քաղաքաշինության և բնակարանաշինության նախարարության շենքի դիմաց մահապարտ ահաբեկիչը պայթյուն է իրականացրել, ինչի հետևանքով մեկ մարդ զոհվել է, երեքը՝ վիրավորվել։
Ինչպես TOLO News հեռուստաալիքին հայտնել է «Թալիբան» արմատական շարժման կառավարությունում ներքին գործերի նախարարության ներկայացուցիչ Աբդուլ Մատին Կանեն, ահաբեկիչը փորձել է մտնել շենք, սակայն անվտանգության աշխատակիցները կանգնեցրել են նրան։
Աֆղանստանի քաղաքաշինության և բնակարանաշինության նախարարության խոսնակ Մոհամմադ Քամալ Աֆղանը հաստատել է պայթյունը՝ նշելով, որ այն տեղի է ունեցել այն բանից հետո, երբ «ահաբեկիչը ոչնչացվել է դարպասի մոտ անվտանգության աշխատակիցների կողմից»։
