Ամբողջ աշխարհը, այդ թվում՝ Միացյալ Նահանգները, շահագրգռված են Ուկրաինայում հակամարտության կարգավորման բանակցային ճանապարհով։ Այս մասին Բրյուսելում ՆԱՏՕ-ի պաշտպանության ղեկավարների հանդիպման նախօրեին հայտարարել է ԱՄՆ պաշտպանության նախարար Փիթ Հեգսեթը։
«Բոլորն էլ գիտակցում են, որ ամբողջ աշխարհը և Միացյալ Նահանգները ներգրավված և շահագրգռված են խաղաղության հաստատման, բանակցային խաղաղության, արյունահեղության դադարեցման մեջ, ինչպես ասել է ԱՄՆ նախագահ Դոնալդ Թրամփը, և դա կպահանջի երկու կողմերից ընդունել այն բաները, որոնք իրենք չեն ցանկանում ընդունել»,- ասել է նա։
Հեգսեթը, պատասխանելով համապատասխան հարցին, ընդգծել է, որ Վաշինգտոնն Ուկրաինայի նկատմամբ իր ներկայիս քաղաքականությունը «Կիևի դավաճանություն» չի համարում։
