Իսրայելական զինվորականները արշավանքներ են իրականացնում Հորդանան գետի արեւմտյան ափի մի շարք բնակավայրերում, որոնք ուղեկցվում են պաղեստինցիների ձերբակալություններով։ Այս մասին հայտնում է քաթարական Al Jazeera հեռուստաալիքը։
Հատուկ գործողություններ են ընթանում Ռամալլայի մոտ գտնվող Ալ-Բիրեհ և Բեյթունիա քաղաքներում, Բիդյեում՝ Սալֆիթից արևմուտք, Երուսաղեմի մի քանի շրջաններում, ինչպես նաև փախստականների Թուլկարմ ճամբարում, որտեղ պաղեստինյան դիմադրության ստորաբաժանումները կրակ են փոխանակել իսրայելական զորքերի հետ։
Ջենինում Իսրայելի պաշտպանության բանակը օգտագործում է ծանր ռազմական տեխնիկա և բուլդոզերներ՝ ոչնչացնելու քաղաքի ենթակառուցվածքները:
Ջենինից հարավ գտնվող Ջաբա քաղաքում իսրայելական ռազմական գործողությունների ընթացքում երեք պաղեստինցի է ձերբակալվել։ Ավելի վաղ իսրայելական զինվորականները հայտնել էին, որ Հորդանան գետի արեւմտյան ափին շարունակվող գործողությունները ուղղված են զինված պաղեստինցի զինյալներին:
