Ուկրաինայի նախագահ Վլադիմիր Զելենսկին հայտարարել է, որ սկսվել են ԱՄՆ-ի նախագահ Դոնալդ Թրամփի հետ իր հանդիպման նախապատրաստական աշխատանքները։ Միաժամանակ նա շատ աղոտ պատասխան է տվել այն հարցին, թե երբ կարող է նման հանդիպում կայանալ։
«Մեր թիմերն աշխատում են մեր երկխոսության, իմ և նախագահ Թրամփի միջև մեր հանդիպումների ուղղությամբ»,- ասել է Զելենսկին ուկրաինական UNIAN լրատվական գործակալության կողմից հրապարակված տեսանյութում։Խոսելով այն մասին, թե երբ դա տեղի կունենա՝ Զելենսկին ասել է, որ դա կախված է «երկու կողմերի հնարավորություններից»։
Ավելի վաղ Զելենսկին նշել էր, որ այսօր ամենակարևորն է` կենտրոնանալ ուկրաինական և ամերիկյան թիմերի գործնական աշխատանքի և հակամարտությունը դադարեցնելու համատեղ տեսլականի վրա։ Նա հայտարարել է, որ «նախագահ Թրամփի թիմից մի քանի լուրջ մարդիկ» կգան Ուկրաինա այս շաբաթ, իսկ հետո Մյունխենի անվտանգության համաժողովում կհանդիպի ԱՄՆ- փոխնախագահի հետ:
