Թրամփն ու իր կողմնակիցները չեն դադարում զարմացնել ու անակնկալի բերել ամբողջ աշխարհին իրենց որոշումներով: Ու կրկին՝ Միացյալ Նահանգների նախագահի վարչակազմի հերթական որոշումը հետաքրքրություն է ներկայացնում նաև Հայաստանի ու հայության շահերի տեսանկյունից: Խոսքը Հայաստանում USAID-ի գործունեության այսպես ասած՝ «մութ կողմերի» մասին է: Հայկական մամուլն արդեն կոչ է անում հատուկ ծառայություններին ստուգել՝ ինչով է այն իրականում զբաղված եղել և ինչ կազմակերպություններ է «ծաղկեցրել» Հայաստանում:
Երեկ՝ փետրվարի 3-ին, հայտնի դարձավ, որ Թրամփի վարչակազմի առանցքային որոշում կայացնողներից մեկը՝ միլիարդատեր և գյուտարար Իլոն Մասկը, հանդես է եկել սենսացիոն հայտարարությամբ՝ ասելով, որ ինքն ու Թրամփը որոշում են ընդունել USAID-ն փակելու մասին: Մասկը X-ի իր միկրոբլոգում այն անվանել է «հանցավոր կազմակերպություն»՝ նշելով, թե «ժամանակն է, որ այն մեռնի»:
«Փաստ» օրարթերթը նշում է, որ սրանք իսկապես ծանր մեղադրանքներ են, ըստ որում՝ դա ամենը չէ: Խոսվել է նաև այն մասին, որ ԱՄՆ Միջազգային զարգացման գործակալությունն ու իր ցանցը օգտագործվել են այլ երկրների դեմ հետախուզական գործունեության նպատակով: Ինչ վերաբերում է կենսաբանական զենքի հետազոտություններին՝ «Փաստ»-ն այս համատեքստում հիշեցնում է Հայաստանում ամերիկյան բիոլաբորատորիաների գաղտնի գործունեության մասին:
Մանրամասները՝ տեսանյութում:
Հեղինակ՝ Արամ Սարգսյան
