Բոլոր տեղերում էլ ադրբեջանցիներ են վերաբնակեցվելու, գիտեք մայրաքաղաքում ադրբեջանցիներ չե՞ն բերելու բնակեցնեն։ Այս մասին կառավարության մոտ լրագրողների հետ զրույցում ասաց «Հայաստան» խմբակցության պատգամավոր Գառնիկ Դանիելյանը՝ անդրադառնալով դիտարկմանը, թե խոսվում է Մեղրիում և Կապանում ադրբեջանցիների վերաբնակեցման մասին։
«Իրենց տելեգրամ ալիքների հիման վրա՝ բերելու են Երևանի կենտրոնում ադրբեջանցիներ վերաբնակեցնեն։ Հետո էլ ասելու են՝ իրենց անվտանգությունը պետք է ապահովեն։
Ինձ մոտ հարց է առաջանում՝ էդ 200 մլն դոլար տրանսֆերը, որ Ադրբեջանից եկել է՝ ո՞ւր է գնացել, ո՞ր մեկն է պատասխան տվել, 1000 անգամ հարց ենք տվել, էդ ինչ տրանսֆերներ են եկել Հայաստան Ադրբեջանից»,-ասաց Դանիելյանը՝ հավելելով, որ 2018 թ-ից հետո 200 մլն դոլար տրանսֆերների մասին տվյալները ներկայացրել է ԿԲ-ն։
