Իսրայելում ուժի մեջ է մտել Մերձավոր Արևելքում Պաղեստինի փախստականների օգնության գործակալության (UNRWA) գործունեությունը դադարեցնելու մասին օրենքը։ Այս մասին հայտարարել է Իսրայելի վարչապետի գրասենյակի խորհրդական Դմիտրի Գենդելմանը։
«Այսօր ուժի մեջ է մտել UNRWA-ի գործունեությունը երկրում դադարեցնելու մասին օրենքը»,- ասել է նա։
Գենդելմանը բացատրել է, որ «այսօրվանից UNRWA-ի գործունեությունն ու ծառայություններն արգելված են Իսրայելի պետության տարածքում»։
Ավելի վաղ Իսրայելի արտգործնախարարության խոսնակ Օրեն Մարմորշտեյնը հայտարարել էր, որ Իսրայելը հունվարի 30-ից ոչ մի շփում չի ունենա UNRWA-ի հետ։
Նա հավելել է, որ Իսրայելը «շարունակում է հավատարիմ մնալ Գազա մարդասիրական օգնության առաքումը միջազգային իրավունքին համապատասխան և պատանդների ազատման համաձայնագրի շրջանակներում դյուրացնելուն»:
