ՆԱՏՕ-ի երկրները ցանկանում են Ուկրաինային առաջարկել Ռուսաստանի հետ «խաղաղության գործարքի» դիմաց, այսպես կոչված, անվտանգության երաշխիքների երկու տարբերակ։ Այս մասին ամերիկյան Foreign Policy ամսագրին հայտնել է արեւմտյան բարձրաստիճան պաշտոնյան։
Նրա խոսքով՝ առաջին տարբերակն այն է, որ դաշինքի երկրները խոստանան Ուկրաինային զգալի ռազմական և տնտեսական օգնություն տրամադրել «հրադադարի համաձայնությունից հետո երկար տարիներ»։ Ըստ այդ ծրագրի՝ Կիևին «գուցե մի օր» թույլ կտան անդամակցել ՆԱՏՕ-ին։
Անվտանգության երաշխիքների երկրորդ տարբերակը ներառում է Հյուսիսատլանտյան պայմանագրի 5-րդ հոդվածի տարածումը Ուկրաինայի տարածքի վրա, որը պարունակում է դրույթ, որ ՆԱՏՕ-ի անդամներից մեկի վրա հարձակումը համարվում է հարձակում բոլորի վրա:
Այս դեպքում, նշում է հրատարակությունը, «Արևմուտքը Ուկրաինային կվերցնի իր միջուկային հովանոցի տակ, իսկ Եվրոպան, ԱՄՆ-ն և Կանադան պարտավոր կլինեն պաշտպանել Ուկրաինան»։
