Երկու երկրների նախագահներ Դոնալդ Թրամփի և Վլադիմիր Պուտինի միջև ուղիղ կապեր հաստատելու ԱՄՆ-ի և Ռուսաստանի մտադրությունը Ուկրաինայում հակամարտությունը կարգավորելու հույս է տալիս։ Այս մասին հայտարարել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն։
«Եթե Դոնալդ Թրամփի և Վլադիմիր Պուտինի միջև ուղիղ շփումներ հաստատվեն, ապա մենք շատ լավ հույս կունենանք, որ պատերազմը մեր հարևանի տարածքում վերջապես կարող է ավարտվել», - ասել է Հունգարիայի ԱԳՆ ղեկավարը՝ ելույթ ունենալով Հունգարիայի արտգործնախարարության մամուլի ասուլիսի ժամանակ։
«Միացյալ Նահանգների և Ռուսաստանի նախագահները երկար տարիներ անց պետք է նորից խոսեն միմյանց հետ, և ես կարծում եմ, որ այս պահին մենք չենք կարող պատկերացնել ավելի հուսադրող սցենար, քան Դոնալդ Թրամփի և Վլադիմիր Պուտինի ուղիղ շփումները», - ասել է Սիյարտոն։
