Հարավային Կորեայի նախագահ Յուն Սեոկ Յոլին տեղափոխող մեքենան, ով երեքշաբթի առաջին անգամ ներկայացել էր իր իմփիչմենթի գործով Սահմանադրական դատարանի նիստին, նիստի վերջում գնացել է ոչ թե կալանավայր, այլ Յոնհապ զինվորական հոսպիտալ, հաղորդում է լրատվական գործակալությունը։
«Քաղաքական և իրավական շրջանակների աղբյուրների համաձայն՝ կասկածյալներին տեղափոխող մեքենան, որում եղել է նախագահ Յունը, այսօր սահմանադրական դատարանից դուրս է եկել մոտավորապես ժամը 16.42-ին (Մոսկվայի ժամանակով 10.42-ին - խմբ.) և շարժվել դեպի Սեուլի շրջանային զինված ուժերի հիվանդանոց»,- գրում է գործակալությունը։
Զինվորական հոսպիտալ այցելելու կոնկրետ պատճառների մասին չի հաղորդվում։ Միևնույն ժամանակ, Սեուլի կալանավայրը, որտեղ գտնվում է բանտարկված նախագահը, ավելի վաղ ժամանել էին Բարձրաստիճան պաշտոնյաների կոռուպցիայի հետաքննության գրասենյակի քննիչները, ովքեր ակնկալում էին Յուն Սեոկ Յոլին հարցաքննելու ևս մեկ փորձ կատարել։
Նախօրեին նա հրաժարվել էր պատասխանել քննիչների հարցերին՝ պատճառաբանելով ՍԴ երրորդ նիստին նախապատրաստվելու անհրաժեշտությունը։ Երկրորդ հանդիպմանն ընդառաջ հարցաքննությունից հրաժարվելով՝ նախագահը նաև նշել է վատ առողջական վիճակը:
